Die RSA is in my DNA

Saam met Jan Jan Jan het jy al vleis gewys, mielies gegooi en Boer gebly en dit is duidelik dat daar geen keer is aan hierdie groep soos wat een na die ander video etlike miljoen kyke inpalm nie!

Maar vir nou is dit alle grappies op ‘n stokkie wanneer die manne vir ‘n oomblik ernstig raak. Om trots te wees op jou taal, kultuur en jou land kan soms in die hedendaagse wêreld uitdagend wees, maar ons 3 Janne stel ons almal gerus in ons nuutste enkelsnit – ‘Die RSA is in my DNA‘.

Hierdie lied vertel ‘n storie van ‘n volk wat al vir eeue lank aan die Suidepunt van Afrika saai, bou, moed hou en vertrou – deur oorloë, teëspoed en talle ander uitdagings! Na bykans 4 eeue, het hierdie land deel van ons DNA geword, ongeag waar voormalige landburgers hulle tans bevind in die wêreld – Suid-Afrika bly ons huis!

'n Dokumentêr van hoop, moed vir lied

Helpende Hand het saam met Jan Jan Jan en Boerboel Wear ŉ veldtog van stapel gestuur – ŉ veldtog van hoop, ŉ lied van behoort, ŉ dokumentêr van terugkyk op die verlede en in geloof vorentoe stap met moed en hoop.

Paul Kruger se woorde: “Want wie vir hom ŉ toekoms wil skep, mag die verlede nie uit die oog verloor nie,” lê diep gewortel in ons dokumentêr.

Geniet saam met ons hierdie terugkyk na jou herkoms en wees vry, veilig en voorspoedig aan die suidpunt van Afrika. En as jy sukkel, weet daar is meer as 25 instansies in die Solidariteit Beweging om jou hand te vat en jou te help of by te staan.

Geniet gerus die dokumentêr:

Skaf een van hierdie spoggerige t-hemde aan en wys met trots waar JY gewortel is.

R20 van elke t-hemp te verkope word geskenk aan Helpende Hand - Deel van die Solidariteit Beweging